E Diálogo Sentral (DS) ta un órgano lokal di deliberashon i konsultashon, konsistente di empleadónan, sindikatonan, gobièrnu lokal i Kámara di Komèrsio, bou di presidensia q.q. di e gezaghebber.
Su propósito ta pa kontribuí, dor di konsenso, na un desaroyo sosial, ekonómiko i ekológiko duradero pa Boneiru. E DS no ta remplasá e responsabilidatnan propio (gubernamental) di kada un di e partínan ni tampoko di e partínan di Gobièrnu di Reino.
Teniendo na kuenta e posishon konstitushonal di Boneiru komo un entidad públiko di Hulanda, e Ministerio di Asuntunan Sosial i Labor (SZW) ta konsehero permanente di e DS.
E deliberashonnan ta konfidensial; e resultadonan ta wordu publiká den akuerdo mútuo. E DS por emití deklarashonnan i konsehonan formal tambe.