E presupuesto di e Diálogo Sentral ta wordu finansia dor di OLB konforme ku e akuerdo ku a wordu hasi den e “Ronde Tafel” di 15 di novèmber 2018. Segun e reglamento e presupuesto mester wordu entregá na OLB promé ku 1 di mei di kada aña.
E presupuesto pa 2020 a wordu aprobá dor di e Diálogo Sentral riba 18 di aprel 2019 i a wordu entregá na OLB. E partidanan prinsipal di e presupuesto ta inkluí e gastunan di reunion, e gastunan pa e vicepresidensia i e sekretariado i tambe un kontribushon na e partnernan sosial pa formashon, profesionalisashon i investigashon. E presupuesto aki ta suma un total di US$ 45.000.
E presupuesto pa 2021 a wordu aprobá dor di e Diálogo Sentral riba 29 di yüni 2020 i a wordu entregá na OLB. E partidanan prinsipal di e presupuesto ta inkluí e gastunan di reunion, e kompensashon pa e vicepresidensia i e sekretariado i tambe un kontribushon na e partnernan sosial pa formashon, profesionalisashon i investigashon. E presupuesto aki ta suma un total di US$ 52.000, ekskluyendo eventual gastunan di biahe i estadia di e vicepresidente i/òf e sekretario.