Den e Protokòl partidonan ta deklará ku nan ‘tin un tarea komun pa kontribuí na un Boneiru sosial, ekonómiko i ekológiko sostenibel ku por okupá un posishon prominente den e region Karibe. Den e kuadro aki nan ta konsiderá ku un komienso riba korto término di un DS renová ta di importansia esensial… Nan ta komprometé nan mes pa hasi esfuerso pa yega na konsenso riba temanan tokante kua nan ta partisipa den diálogo, a base di respektu mutuo i integridat, unda e interes di Boneiru (interes general) ta prevalesé.’
Den artíkulo 2 di e reglamento e karakter i meta di e DS ta wordu formulá manera lo siguiente:
Artíkulo 2: Karakter
- E DS ta un órgano di deliberashon entre gobièrnu lokal, partnernan sosial i Kámara di Komèrsio, ku meta di kontribuí, pa medio di konsenso, na un Boneiru sosial, ekonómiko i ekológiko sostenibel.
No ta tuma votashon tokante e kontenido di temanan inkluí riba agenda. Den e kuadro aki e DS por emití konseho na gobièrnunan tambe aunke esaki no a wordu pidi. - Aparte di esaki e DS lo emití konseho na e Gobièrnu di Reino si esaki wordu pidi. Den e kaso aki tambe lo purba yega na konsenso. Den kaso di diferensia di opinion lo indiká, si ta nesesario pa kada punto, e konsehonan di e partidonan i di e vice-presidente.
- E DS no por substituí e responsabilidatnan propio (di gobernashon) di kada un di e partidonan ni di e Gobièrnu di Reino.
- E deliberashonnan den e DS ta konfidensial. Resultadonan for di e deliberashonnan lo wordu publiká a base di akuerdo mutuo.
[1] Mira tambe e deklarashon komun di DS i OLB tokante koordinashon di konsehonan na e Gobièrnu di Reino di fecha 4 di yüli 2019.
Kleki aki pa e protokòl kompleto.
Kleki aki pa e reglamento.